„Етнографски материјали од професорот Ѓорги Здравев“

Во оваа прва книга, претставени се етнографски материјали од професорот Ѓорѓи Здравев, кои се во сопственост на ИЕА, ПМФ, УКИМ, Скопје и се дел од Архивот на Институтот за етнологија и антропологија (АИЕА) и Дигиталниот архив на ИЕА (ДАИЕА).

Во првата книга, етнографските материјали се подредени во три дела. Во првиот дел се организирани „Теренските белешки и описи од пределите Горна Река, Горна Река и Горни Полог од 1972 и 1976 година“. Тоа се мошне детални теренски белешки, со опширни описи на делови од народната носија од овие предели. Исто така, интересна е и компаративната анализа на облековните елементи меѓу населените места. Важно е да се спомне дека, врз основа на неговите белешки, може да се добие претстава за тогашниот социокултурен контекст, од што може да се увиди општествената функција на облекувањето и на поединечни облековни елементи во контекст, што слободно може да се каже дека е реткост во приодот и анализите на етнолозите од тој период. Во вториот дел се подредени „Теренски забелешки и описи од Радовишко“ од малку подоцнежен период, од 1981 и 1982 година. Овие материјали, како и претходните од пораните периоди, може да се види дека се со детални описи, исклучително внимателно категоризирани и потоа анализирани. Во третиот дел, пак, што се однесува на „Теренските белешки и описи на маала од градот Крива Паланка и селата околу градот“, се чувствува идејата на професорот Здравев за карактеристиките на народната носија и нејзините облековни елементи да прави белешки со статистички обележја. И тука се забележуваат детални описи, но повеќето се однесуваат на облековни специфичности во културата на облекувањето.

издание на ЦЕИПА, 2023